自由市場與大集團

有問：「如果香港政府尊重自由市場，為甚麼政府要設立專利事業，讓大集團謀取暴利？
　　　　經濟學家及香港政府，以尊重自由市場為藉口，反對設立「最低工資」是否合理？」


其實香港政府只是講尊重自由市場運作，實際是另一回事。


97前香港政府的經濟政策是積極不干預政策，實踐資本主義自由市場理論，容許經濟自由發展，市場自行調控。不過雖然如此，仍保留一些專利企業，例如電視廣播、電話通訊、交通例如地下鐵路、巴士、電力及燃料供應等，都以專營權或專利形式批准營運。目的是因為這些企業投資較大，如果唔保障這些企業利潤就好難有人投資，到時要政府投資就即係要納稅人投資。咁其實未必是好事。


其實現時政府都逐漸取消專利權經營模式，引入競爭，其結果是消費者得益好多，好似電話通訊，就因為自由競爭，電話費就平了好多，但結果是電訊業大災難，裁員、外判等新聞不絕。所以有時自由市場不是一定無問題的，睇政府點攪的。


於2006-10-24 12:37:25 知識+ 中發表：http://hk.knowledge.yahoo.com/question/question?qid=7006102303556